Marie-Denise Villers foi unha pintora francesa que se especializou en retratos.

Proviña dunha familia onde entre cuxos compoñentes había varios destacados retratistas como as súas irmás Marie-Victoire Lemoine e Marie-Élisabeth Lemoine ou a súa curmá Jeanne-Élisabeth Chaudet.

Marie-Denise Villers converteuse en estudante do pintor francés Girodet. A súa primeira exposición produciuse no Salón de París en 1799 onde tamén expuxo polo menos en 1801, 1802 e 1814. De entre os cadros máis famosos de Villers adoita destacarse Nova muller pintando (1801) que se exhibe no Metropolitan Museum of Art. Crese que podería tratarse dun autorretrato da artista.

Tras a Revolución Francesa, as mulleres empezaron a ter máis dereitos e liberdades, e moitas delas decidiron dedicarse á pintura profesionalmente. Aínda que hai que aclarar que, polo xeral, as obras pintadas por elas seguían considerándose inferiores ás que facían os homes.